Óhappabloggið

Þökk sé Darwin,
       þá erum við ekki lengur apar.
              Þökk sé Newton,
                     þá fljótum við ekki öll út í geim.

- En hvað í andskotanum vakti fyrir Murphy!?

Ég var að skella inn fleiri ljósmyndum á ljósmyndasíðuna. Ber verkefnið titilinn "Skýjaborgir 2006" (já, ég veit það er sdavsdettnínkarvidla í titlinum á síðunni... laga seinna). Þemað er hinn mikilfenglegi drungi íslenskrar náttúru og smæð okkar mannkindanna til samanburðar. Ég fór svo áðan í Pixla og fékk eina myndina prentaða stóra (ca. 50x75 cm). Fæ ég hana svo í hendurnar á næstu dögum og er óþarft að segja að ég hlakka mikið til.

Hér fyrir neðan er umrædd mynd (sem ber titilinn "Gull"):




Ef þetta kemur vel út, þá mun ég eflaust vera duglegur að stækka myndir í náinni framtíð.
-E.s. Verslunin Pixlar er sú eina sem ég veit um sem að framkallar svarthvítar filmur í dag. Fyrir það eiga þeir hrós skilið.